Pred par sam dana na tv-u videl gospona Zlatka Puntijara vlasnika legendarnoga restorana “Stari Puntijar” koj more biti na ponos gradu Zagrebu ali i uzor za sve one koji očeju nekaj ozbiljno napraviti v ugostitelstvu. Od navek sam bil više sklon nekakvim restoranima koji podsečaju na ono “staro i negdašnje”, jedan „stari štih“, v ambijentima gde nekak osečaš toplinu i intimu prostora i ljudi. I baš me je sve ono kaj je gospon Puntijar rekel podsetilo na jedan događaj prije pedesetak let dok sam i sam bil gost na jednoj starijoj lokaciji restorana “Puntijar”. Gosti su od navek taj retoran zvali „Puntijarka“.
Podsečanje na “Puntijarku”
Ovaj današnji restoran podimenom “Stari Puntijar” ima obiteljsku tradiciju od 160 let kaj je, morate priznati, fakat jedna priznanja vredna stvar. Familijarni se obrt sigurno nebi održal da nisu uložili jako puno truda, da nisu navek razmišljali korak-dva v napred , da se nisu prilagođavali z ponudom i dobre papice i kvalitetne kapljice. Ono kaj oduševljava je ambijent lokala v starinskom stilu z domačom i lovačkom kuhinjom kaj vas navek podseča na ambijent v kojem očete na miru blagovati. Sve ono kaj nudiju je za mene jako i privlačno i naprosto vas izaziva. Da mi je bliže nebi puno razmišljal da se otputim na jedna dobar obed. Osim fakat obečavajuče hrana kak su kobase, špek, čvarki, šnicli i rogata i pernata divljač, restoran nudi i oko sto vrsti vina. Ponuda za svako izbirljivo nepce.
No od gospona Puntijara sam još nekaj čul. Napravil je pretisak prve kuharice na hrvatskom, prikupil puno drugih starih kuharici, pa je tak skupil oko 3500 kuharici!!! Bravo! 2016. je izložil zbirku od oko 3000 kuharici i 200 jelovniki a i dalje na tome dela. Sad mi je malo “neugodno” kaj imam samo nekakvih pedesetak primeraka kojekakvih kuharici a za neke niti neznam kaj v njima piše. Poznata je stvar da je Biblija najčešče tiskana knjiga a kuharice su mam iza nje. Ovaj se restoran more još z nečim pofaliti: čak tri put su ugostili Papu, ne istoga, a z tim se teško more pofaliti neki drugi restoran. Da mi je samo znati kaj je bilo na jelovniku za Svetoga oca?
Na kaj me je gospon Puntijar još potsetil? Kak sam gore i spomenul v “Puntijarki” smo imali apsolventsko večer koje mi je nekak ostalo v jako lepoj uspomeni. Zapraf je sam boravak v tom restoranu bil jako ugodan al nije tak i završilo. Zabavljali smo se baš onak kak to mladim ljudi paše, bilo je puno dobre klope i popevki a štih svemu je dal naš sjajni profesor Boris Petz koj nas je celo večer zabavljal z kojekakvim anegdotama z negda jako popularnog Radija Erevan. I danas se sečam jedne zgodne pitalice i odgovora samo nije baš za ovaj tekst.Vreme nam je brzo preletelo al znate kak to navek ide. Jednoj ekipi nigda dosta.
*Slika: Moje apsolventsko večer v Puntijaru v prolječe 1971. Apsolvent Ivan je prvi z leve strane još bez brkova.
Zafalili smo se dragim kolegama koji su nam ponudili prevoz do grada a mi smo imali “potrebu još si nekaj važno reči”. Uostalom imamo mi i zadnji nočni tramvaj. Zabava je još malo potrajala a i zadnji je tramvaj otišel bez nas. Za mlade ljude nije nekakav posebni problem da se malo prešeču po friškome zraku pa se nas šestoro uputilo z noge na nogu prema Zagrebu. Nesreča je bila v tome kaj sam si za tu priliku obul nove cipele koje nisu baš bile razgažene za dužu nočnu šetnju. Naravno da nisam mogel pratiti sve one popevke koje su naše drage kolegice započele i popevala onak baš z punoga grla. Popevka koju smo stalno ponavljali je bila ona “Adio Mare, adio bela Napoli, adio mila moja adio studiji”. I dok smo bili več blizu cilja, tam negde na Zvezdi nas je z auta gledala milicijska patrola. Za divno čudo nisu nam ništ rekli, mi smo nastavili z popevkom i dok smo se spuščali po Novoj Vesi prema centru. Obloki su se otpirali, ljudi su nam spominjali malo rodbinu, malo neodgojenu omladinu, al nas to, posebno kolegice, ni preveč smetalo. Kad ono na Kaptolu čekaju mirno “plavi anđeli” i zažele nam “dobrodošlicu”. Oni prvi su nas pustili al su dojavili ovima dole da nas pričekaju. Rezultat je bil neočekivan. Najme kaj. Lepo su nas legitimirali, sve uredno zapisali i pustili nas na zasluženi odmor. Iznenađenje je sledilo za jedno par dana.“Čestitku” smo ni krivi ni dužni dobili samo nas trojica a našim vrlim “pjevačicama”ni slova od kazne. „Čestitka“ je glasila: V roku od petnajst dana morate platiti tolko i tolko dinara ili mesec dana v rešt. Za nesreču tu je kuvertu dobila v ruke moja mama koja je počela jadikovati: “Ne samo da moraš iti vu vojsku nego buš išel još i v rešt.” V toj brzini mami je promaknulo onaj veznik ili pak me je spakirala i vu vojsku i v rešt. Platili smo kaznu i rešili stvar. Ostalo je samo sečanje na apsolventsko večer.
Profesora Petza sam par let posle dopelal v Podravku kak predavača za jednu grupu tadašnjih menadžera. Bil je fakat jako interesantan i duhovit. A o njemu se još dugo pripovedalo kak sjajnom predavaču. Takvoga pamte i generacije studenti psihologije.
Da se malo vrnem na starinski ambijent. Svojedobno sam z kojekakvim gostima bil često na Podravkinom PRC-u, v restoranu “Klet”, koj nikoga ni ostavil ravnodušnim. I dok nam je na jedan skup došel prvi zagrebaki somelier oduševil se z tim ambijentom punim drvenih dijelova i starom prešom. Ni mogel dojti k sebi:“Ljudi moji! Ovo je nekaj prelepo. To Zagreb nema!” Bilo je to negde ranih, ratnih devedesetih. Kolko znam danas “Klet” više ne dela. Šteta!
Pondelek
Juha/Glavno jelo: Kisela juha od pilečeg sitniša
Desert: Moj pajdaš Tonč, koj me uporno prati, bil bi jako nesretan da ja ne napišem kolač od jučer. Nek tak bu i danas.
Tork
Juha: Krem juha od mešanoga povrča
Glavno jelo: Pileča jetrica na saft, kuruzni žganci; šalata ak vam paše
Desert: Vočna šalata
Sreda
Juha: Paradajzova z fritatama
Glavno jelo: Pomfrit z jajcima; na malo masti prepečem malo špeka, na to hitim lepo pečenoga pomfrita i zalejem z jajcima. Dobro začinim. Paše svakakva šalata.
Desert: Sigurno imate nekakvoga soka pri ruki.
Četrtek
Juha/Glavno jelo: Vinski gulaš; delam ga iskljčivo od jumečeg bočingaja a navek denem i malo krumpira
Desert: Palačinke z pekmezom
Petek
Juha: Juha od kuhanog osliča z rižom
Glavno jelo: Kuhani oslič, slani krumpir na putru
Desert: Čaša vina
Subota
Juha/Glavno jelo: Mesna pita, šalata
Desert: Čaša crne pive
Nedela
Juha: Anjgemahtec
Glavno jelo: Pečeni filani picek, pekarski krumpir, šalata
Desert: Diganci z makom i ružičkima
:(Još nema komentara