Samo kaj smo se okrenuli minulo je ovo leto, brojimo zadnje dane ove dvije hiljade dvadese i druge. Kakva je bila? Ha čujte! Malo bolša nego one dve prije nje i moramo biti sretni akj je to tak. V to se vreme počnemo prisečati kaj se sve dogodilo čez ovih dvanajst meseci al meni nekak lakše ide da se prisetim onoga kaj je bilo pred četrdeset i više let. Onda ovih dana več v dva navrata čujem popevku koja ja baš na tu temu i nekak mi je lakše. Dražen Žanko vam je ovih dana snimil singl z popevkom „Lička zima“ o jednoj Marijani koja dolazi v snežnu Liku dok je autor teksta još bil gimnazijalec. Bum vam zapisal samo prvu kiticu: Kada dođu stari dani Ne sjeća se čovjek što je bilo lani Al su zato mladi dani Njemu dublje urezani Pa se tako nekad sjeti Lijepih dana u mladosti.... Poslušajte celu i nebu vam žal.
Radni dočeki Novoga leta
Po starom mojem običaju ja vam ovih dana kopam po policama z knjigama i najdem četri velike teke koje su stare nekaj više od četrdeset i dve lete. Pogledam malo bolje i vidim da su to dnevniki dežurstvi našega benda od 5. 1. 1976. do 31.5. 1980. Bila su to zadnja leta jednoga dugovečnoga koprivničkoga benda i završetak moje bubnjarske karijere. Pred desetak let smo doduše osnovali jedan veteranski bend ali smo „plesali samo jedno leto“.
No kak smo mi v zadnjem tjednu ovoga leta, setil sam se nekih davnih dana i mojih „radnih dočeka“ koje v ono vreme nisam baš zel za nekaj ozbiljno. Bila vam je to kombinaciji posla i zabave. Prve sam svirke imal za Novo leto još kak gimnazijalec v našem koprivničkome „Domoljubu“ koje mi baš i nisu ostale v nekakvom posebnom sečanju. Jelo se i pilo al mislim da novoletnji jelovnik nije došel dalje od kobasi, hrenovki i prasetine. Za pamčenje je bil samo jedan doček dok su neki dobro organizirani nestašni mladi ljudi hitili suzavca v svim koprivničkim lokalima gde je bil doček. Taman dok smo počeli odbrojavati polnoč cela se sala skup z nama muzikantima počela plakati. Mesto čestitanja i polnočnoga valcera morala se proluftati sala da bi se moglo nastaviti z veseljem. Posebno pak pamtim doček v Križevcima (1962/63.) dok su maturanti poljoprivredne škole baš na taj dan priredili i svoj maturalni ples. Ostale mi buju kakti nekaj posebno dve stvari: tamnoputi školarci/studenti z afričkih zemlji koji su bili atrakcija zbog boje kože i kaj su plesali malo živahnije nego ostalo gosti v sali. Druga stvar je bila odlična ponuda vina. Maturanti su ponudili i bogati stol ali su se pokazali i kakti posebno dobri buduči vinogradari. Bili su široke ruke pa je celi bend dobil još i po koju butelju vina za doma. Te 1963. postajem student, privikavam se na život v Zagrebu i dogodi mi se da mi moja tadašnja simpatija najde gažu i to v centru Zagreba, v kultome nočnome lokalu „Gradski podrum“. Ništ mi se lepše ni moglo dogoditi: dobijete trodnevnu gažu, svirate z poznatim zagrebačkim muzikantima i još vas bezobrazno dobro plate. Kak je to baš mene zapalo? Naime kaj. Pjevač toga benda je bil i bubnjar a kak je tih dana jako puno posla, naporno se svira „od ve do ve“, trebali su bubnjara za tri novoletnja dana. Moram reči da su ponudili i tri bogate večere no v konzumaciji piča su članovi benda bili jako suzdržani. Ipak je to za te dane bil jako ozbiljan i naporan posel. Pamtim jednu zgodu za koju nisam mogel slutiti da se more dogoditi v takvom elitnom zagrebačkom lokalu. Za prvim stolom do pozornice sedelo je jedno poveče društvo i dobro se zabavljalo. No primetil sam da je raspoloženje sve bolje a buteljke koje idu z včerom su polupune. I onda vidim. Dosetljivi kakvi našu ljudi jesu, imaju pod stolom jednu petlitrenu demižonku. Čak su od doma donesli i tučera i stalno su po potrebi dotakali svoje vino v buteljku. Niti do jutra konobari nisu otkrili tu prevaru. Pitam se i danas kak su uspeli demižonku unesti v takav lokal.
V Zagrebu sam odsviral krajem šezdesetih još dva dočeka i to v Sudentskom domu „Cjetno naselje“. Bilo je to skromno slavlje, sa skromnim blagdanskim stolom ali jako veselo kak to zna biti među skromnim studentima. Moj zagrebački bend je svoj glazbeni put završil svirkom na dočeku Novogsa leta v Umagu, z Vjekoslavom Juttom, v ono vreme jako poznatim i popularnim pjevačom.
Dok se „Lessi vrnul doma“ v Koprivnicu, z novim bendom sam odsviral još pet dočeka v koprivničkom hotelu „Podravka“. To su bili jako popularni dočeki i to uglavnom za koprivničku elitu: doktore, fiškale i direktore poduzeča i druge boljestoječe Koprivničance. Obično su ti „dočeki“ trajali tri dana z tim da su reprize drugi i treči dan bile skromneše v ponudi jela ali je to bilo dostupno mlađoj publiki koja je slavila doček doma a onda su došli k nama v hotel da se onak pošteno splešu.
Ovaj bend je odsviral zadnjih pet dočeka v hotelu „Podravka“
Sve v svemu bilo je zabavno v onim letima odsvirati te lude zabave no moram reči i ovo: Nije baš lako odsvirati osam do devet vur z retkim pauzama za večeru ili piče. Nije lako ni dok vam dobar dio publike dojde čestirati i ze svima se morate kušnuti pa i popite koju čašu vina. Ono kaj je najvažneše v takvim svirkama da znate izabrati pravi repertoar i znati ga dozirati tokom večeri.
Ta je moja epizoda završila 1980. i verujte da mi ti radni dočeki nisu faleli. Došlo je vreme onih intimnih klapskih i familijarnih dočeka v našim goricama, pri Ataču doma i v Koprivnici i v Zagrebu. Svaki taj naš doček v toplom domačem ambijentu bil je posebno bogat gastronomski. Naše bi se bolše polovice dogovorile koja bu kaj pripremila a rezultat toga je bila velka količina kojekakvih delicija jer je svaka imala potrebu pokazati kaj zna. Kolači je znalo biti tolko da bi se i nekoja slastičarna posramila i količine i kvalitete. Mislim da ne trebam spomenuti da je kvalitetu hrane pratila i kvaliteta piča. A muzika? Imali smo letima pravog disk đokeja v našem dragom pajdašu Bobi. Znal je zebrati pravu popevku v pravom momentu. Kaj se pak događa zadnjih par let? Večera v dvoje, čaša vina, tv-program, čestitka najbližim prijatelima i naš topli krevet. Kaj očete više od nas stareše gospode.
Za jelovnik vam ovaj tjedan nebum ništ predlagal. Imal bum problema z ostanjkima posle Božiča, na Štefanje bum na jednom tradicionalnom obedu pri mojoj najbližoj familiji. Siguran sam da za Novo leto nebu prasetine ni francuske šalate. Imam domačih kobasi za kuhanje i suhih za rezanje, krmenadle z paca, koji su mi posebna delicija, kupili smo nekaj friških piceki od naše poznate kumice. Našlo se bu materijala za kakvu dobru juhicu a dobro bu došla i dobra kisela juha. Đuri bum prepustil da napravi nekaj drobnih kolači i nekaj onih kremastih za vnuke i decu dok nam dojdu v čestitare.
I kaj da Vam poželim dragi moji Coolinaričari? Z Vama sam več nekaj više od jedanajst let, ovo je 607. tekst, i nekak mi se čini da smo si jako bliski.
Nek vam nova 2023. bude lepša, bolša, nek vas prati zdravlje, mir i zadovoljstvo.
Vaš Ivan944
Čestitkama se pridružuje i naša Udruga „Gekoma“ z deset knjiga naše edicije „Maturanti staroga kova“.
:(Još nema komentara