I dok smo se par put obrnuli oko sebe več je došel prosinec, mesec pun kojekakvih događaja kaj crkvenih kaj familijarnih. Moram vam iskreno nekaj reči. Negda sam se fakat jako veselil svemu kaj se bu događalo tih dana makar, ruku na srce, nisam znal svemu tome pravi značaj. To se je nekak događalo intimnije v obiteljskom krugu ili pak među dragim prijatelima. Usudil se bum reči da su mediji i komercijalizacija sve te svetke malo “pokvarili” i od svega toga napravila jedan sajam iliti vašar gde je jedan i jedini cilj dobro zaraditi za samo nekaj malo manje od mesec dana.
Vreme je Adventa
Naravno da vas nemam namere vučiti kaj je advent al moram nekaj zapisati kaj se događa ovih dana, kak ja to vidim oko nas. Istini za volju to je tak več zadnjih dvadesetak let i manje više se stvari samo obogačuju v onom komercijalnom smislu. Zapraf to nebi smelo tak biti. Prema onome kaj piše v crkvenoj literaturi za ta bi tri tjedna (27. 11. do 24. 12.) trebalo prevladavati iščekivanje, nada, budnost i čežnja. Neznam kak vi al ja sam se nekak najviše našel v nadi. Kaj se mene tiče više nikoga ne iščekujem, budnost me podseča na onu “moramo biti budni” a ne čeznem više za ničim i za nikim. Ostaje samo velika nada da ova leta koja su još pred menom, provedem v miru v krugu familije i prijatela, da prestanu ova prestrašna ratna stanja i da se ne ponovi ono kaj nam je još navek v jako svežem sečanju. A kaj drugo i preostaje jednom ozbiljnom gosponu koj juri prema osamdesetom letu života. Jel to več starost? Verojatno je, samo neznam kaj bi mi na to danas rekel Slavo. Pred dvadesetak let sam jemput rekel kak sam več star a Slavo me je utešil:”Nisi ti Ivo star. Ti si v ranoj jeseni svojega života!” Kak bi čovek nazval ova moja sadašnja leta? Jel to morti kasna jesen? Atač me skoro svaki dan pita:”Čuj stari. Kaj smo mi stvarno stari?”.
Štel bi nekaj reči kaj se tiče svega ovoga oko nas. Vele ljudi da je velka kriza, da ljudi nemaju penez, da je pala kupovna moč nekih slojeva našega društva, kaj me nekak malo zbunililo. Idemo vam Đuro i ja neki dan v jedan veliki trgovački centar sred tjedna baš ono po nekakve sitnice. Kupovali smo sol i kašu jer smo delali koline. Nebute verovali da je parking bil pun, ljudi su ulazili i izlazili kaj na kolodvoru. Ono kaj me najviše zbunilo da su svi gurali puna kolica pa mi se činilo da se nekaj deli zabadaf. Nemrete se fakat ne zapitati: jel stvarno kriza, odkud ljudima lova, jel vadiju sad staru ušteđevinu ispod blazine ili se zadužuju prek kartice? Nekak se ti računi moraju platiti. A kaj bu tek do Božića i Novoga leta?
Da ne mislite da preskačem našu Koprivnicu? Srednjevekovni božični sajam je sigurno nekaj o čemu buju Koprivničanci još dugo pripovedali. Uostalom sva naša koprivnička događanja su za pamčenje. Imaju Podravci osečaj za tak nekaj.
Ono kaj bi rado videl ovih dana je svakak sneg. Da se klima jako menja to več i vrapci znaju, al da buju neka deca v ovoj našoj Podravini odrasla a da nebuju vidla pravoga snega i imala se prilike po njemu sanjkati, to mi se čini čist moguče. V to sam vreme kak dete gledal čez oblok tople kuhinje i mogel sam biti siguran da prve pahulje samo kaj nisu zabelele naše veliko dvorišče. Ako se ne odlučite na skijanje v Sloveniji ili Austriju skije i sanjke vam na tavanu moreju dočekati duboku starost.
“Specijaliteti” adventa
Onda vam ja z čiste znatiželje idem videti kakve se delicije nude na tom nadaleko poznatom zagrebačkom Adventu. Znate več da sam baš osetljiv dok je v pitanju naš materinjski jezik al da bum na tak nekaj naišel to me je malo „šokiralo“. Jedna poznata “ekspertica” za gastronomiju je preporučila desetak jela kak nekaj jako “fino i nezaboravno” a ja sam uspel prepoznati samo “janjeći ragu”. Malo se skoncentrirajte i probajte prečitati ova vrhunska jela: Smeš burger, Gnudi z bučom, Porcheta sendvič, Katsu ramen, El toro Xmas pita bread, Chestnutrocky road (take), Beg”s purplehaze sarmice...I da čovek ne poželi mam sesti na vlak i časkom skoknuti do Zagreba da se naužije čuvenih “hrvatskih delicija”. Kaj mi to delamo od našega lepoga hrvatskoga jezika i gastronomije nek sam bog zna. Doduše morti sam nekaj krivo prepisal al priznajte da ste se i vi navlekli na ovu ponudu. Ja imam več par dana poziv od Atača da dojdem pogledati sav taj spektakl i sad sam na velkome iskušenju.Verojatno me Zagreb ipak nebu videl.
Ovih dana imamo još neke svetke koji su negda bili morti i više poštivani v narodu nego je to danas. Barbara (4. 12.) se više slavila jer je to bilo jako često narodno ime a danas je zišlo z mode. Barbara je zaštitnica rudara a kak danas više nema rudnika ta je svetica zgubila na značaju. Samo su v koprivničkom kraju bila tri rudnika: Glogovec, Petrov dol i Subotica. Davno ih več nema a dobro bi došli v ovoj našoj energetskoj krizi. Sveti Nikola (6. 12.) je navek razveselil decu. I ja sam se veselil Nikoli al sam se jako bojal krampusa. Dobro sam znal da je z Nikolom došla i naša suseda Barica oblečena v krampusa al čujte: krampus je krampus. Dok sam ja svatil da to nije pravi krampus nego “lepa mlada žena” več je bilo kasno.
Najte na Luciju (13. 12.) zaboraviti posijati pšenicu. Znam da morete za par kuna kupiti tanjurič posađene pšenice ali je lepše dok vidite svojih ruku delo.
Kak i navek krajem studenoga i ovo sam leto imal jedne skromne koline. Samo kaj. Teško vam je najti pravoga muškoga pomagača a i ove moje „mesarice“ koje si vole zmastiti ruke ne vole se slikati i jedva sam uspel jednu zamoliti da bar ostane nekakav slikovni trag na taj posel. Gde su ona vremena dok smo Slavo i ja bili preštimani mesari, harali uzduž i poprek po Podravini i imali oko sebe ekipu od pet-šest pomagači. Pogledajte na sliku i sve vam bu jasno na kaj su spale ovoletnje koline. E moj Slavo. Ni koline nisu više kaj su negda bile.
Od cele ekipe imam „ložača“ Tonča
Negda bi v to vreme bili več gotovi planovi i pripreme za proslave rođendana v našoj klapi, naš kučni bend“Kraluši” su bili zakapareni pred dva-tri meseca i bili pozvani svi dragi prijateli. Ovo se pak leto obiležavaju tužne godišnjice i dignu čaše vu vinkl v znak sečanja za svu dragu pajdašiju. Tak oni i dalje ostaju z nama i v našim svakodnevnim razgovorima.
Ovo nesmem preskočiti. Ovih dana pajdaš Davor ide pak v Tanzaniju. Odlazi širiti istinu o Podravini i njezinoj gastronomiji. Obavestil bu Pusi kaj se trenutno kuha v ovo zimsko vreme pri nama doma.
Zadnje upute pred put v Tanzaniju
Pondelek
Juha: Prežgana juha z krutonima
Glavno jelo: Kajgana na špeku, turšija
Desert: Sok
Tork
Juha; Jedna Podravkina krem juha
Glavno jelo: Pržene sardelice, grah šalata
Desert: Čaša crnoga vina
Sreda
Juha:Paradajzova juha z noklecima
Glavno jelo: Krvavice, dinstano zelje, kuhani slani krumpir
Desert: Kaj drugo nego gemišt
Četrtek
Juha/Glavno jelo: Čušpajz od poriluka z malo suhoga mesa
Desert: Palačinke z pekmezom
Petek
Kak sam prošli petek zaboravil da mi je rođendan bum danas zapisal kaj sam pripremil za svoju najužešu familiju. Negda bi na taj dan bili mali “svati”a ja sam malo improviziral i pripremil ovak nekaj:
Aperitiv: Rakijica i nekakav likerček
Predjelo: Friško podimljene kobase z ribanim hrenom
Juha: Kobasičja juha z rezancima i sitno narezanim kobasama
Glavno jelo: Pohani picek/krmenadli, krumpir v masti od pohanja, zelena šalata;
Desert: Šaumrole i morti još kakav drobni kolač, čaša vina, kava
Subota
Juha/Glavno jelo: Kisela juha od pilečega sitniša
Desert: Znate več da bu ščerašnjih kolači
Nedela
Juha: Juha od junečega flama z leberknedlima
Glavno jelo: Kuhani flam, češnjaksos, pire
Desert: Štrukli z jabukama
:(Još nema komentara