Eto i to sam zbavil na moje veliko zadovojstvo a verujem i na zadovoljstvo svih mojih prijateli koji su se odazvali na predstavljanje knjige. Fakat su došli ljudi koje nisam niti očekival i koji su mi tek slučajni poznanici. Lepo je bilo videti punu dvoranu. Ljudi se ipak tu i tam zainteresiraju za pisanu reč.
Promocija knjige „Ko to ne voli Podravce?“
Kak je tiskanje knjige malo kasnilo bilo mi je teško pronajti pravi termin za predstavljanje knjige. Prva mi je ideja bila napraviti to povodom Dana grada Koprivnice dok se je v gradu kojekaj događalo. No onda sam v razgovoru z ravnateljem Muzeja grada Koprivnice ipak došel do zaključka da je najbolje to ostaviti za prvu polovicu prosinca, sred tjedna dok nema v gradu nekakvih posebnih događanja. Pokazalo se to jako pametno jer su se ljudi odazvali baš v lepom broju. Dok sam pred dva meseca bil na promociji knjige jednoga poznatoga Hrvata, režisera i pukovnika HV-a bilo nas je fakat sramotno malo. Doduše ima za to jedan „ozbiljan razlog“: nije za kraj predvidel nikakvu zakusku ni tekuču okrepu.
Pripreme za ovakav događaj nisu bogznakak zahtjevne ali nemreš niti improvizirati. Moje drage prijateljice i rođakinje su se pobrinule mesto Đure za nekakav zalogajčič. Bile su tu tri tace slanih i tri tace slađih delicija. Za piče se več nekolko put pobrinul moj prijatel Tonč koj mi navek donira pristojnu količinu portugisca koj je v ovo doba godine najbolši za konzumaciju. Ja sam pak dodal par litri svoje stare graševine. Ljudi vole one male spomenke posle službenoga dela jer se z čašicom v ruki navek lakše pospominja o knjigi i o koječemu drugome.
Za uvodnu reč se pobrinulo dvoje ljudi poznatih Koprivničanci: dogradonačelnica Ksenija Ostriž i ravnatelj Gradskoga muzeja Robert Čimin. Tek sam onda došel na red ja kak autor. Koncentriral sam se na neke nužne informacije i zahvalu za financijsku pomoč a onda i na motive pisanja ove knjige kak i nekolko rečenica o svakom poglavlju. Bilo je tu i nekolko anegdota i o mojem pisanju i o nekim mojim dragim prijatelima koji su nas več prerano napustili.
Zakuska, čaša portugisca ili graševine, mali komentari i prodaja knjige. Tak do pri meni navek ide.
Nesmem zaboraviti i na moje „Kraluše“ koji me prate tridesetak let a nakon dužega vremena skupili su se samo za ovu prigodu. Svirali su na početku dok su se ljudi skupljali i kratko vreme dok su ljudi nekaj prigrizli i popili čašu vina. Mnogi su posjetitelji komentirali da su takve promocije knjiga retke ak nisu i jedine takve koje se pamte v Koprivnici. Ha čujte. Imam nekakvo iskustvo z muzikom i atmosferom na nekakvim događanjima. Za honorar su moji Kraluši dobili svaki po jednu knjigu i naravno gemišta kolko im srcu drago. E moji Kraluši. Imamo mi nekaj zajedničkih vur, dana, meseci a bome i fanj let za sebom. Lepo se je svega toga setiti. Naravno da su i oni dobili svoje mesto v mojoj knjigi.
To su naši „Kraluši“. Nadam se da bu ovo jednokratno okupljanje pak v njima probudilo volju za novi nastavak. Ako ništ drugo budu se okupili za moju novu knjigu.
Moram vam nekaj priznati. Kraj sve te strke, uzbuđenja, potpisivanja knjige i razgovora z posjetitelja nisam stigel deti nijedan zalogaj ponuđenoga. Tek sam oko devete vure doma osetil da sam baš zapraf gladen. Prošla baba z kolačima. Odi Ivane spat.
Imal sam na Radio Koprivnici i polsatnu emisiji o knjigi i mojoj malenkosti i sad moji prijateli i poznanici komentiraju kaj sam sve izjavil za tih pol vure.
Morti se pitate kak je išla prodaja knjige? Morem vam reči da sam zadovoljan.Nekaj sam dobil od sponzora i mojih prijatelja, dosta je Đuro prodala na samoj promociji a neke naruđbe još moram isporučiti. Sve v svemu bum se financijski pokril i nebum na zgubičku. Ostalo bu naravno i dost knjiga za pokloniti mojim dragim prijatelima.
Kak sam ovo leto uspel objaviti čak dve knjige naravno da je bilo pitanje kaj nameravam za sledeče leto. Obečal sam da se bum potrudil dovršiti knjigi „A kaj da danas kuham?“ kak bi mogli dostojno obiležiti 500-ti tekst na Coolinariki. Nadam se da bum i v tome uspel.
Dok bu ovaj tekst obajavlje vi bute dragi moji Coolinaričari več debelo v pripremama za Božić. Po starom dobrom običaju nebum va ništ sugeriral jer znam da imate svoj proverene pripreme i sigurno poštivate svoju obiteljsku tradiciju. Bum vam samo natuknul kak bu to zgledalo pri nama doma.
Pri nama bu celi tjedan svega pomalo jer: Đuro je do Badnjaka još navek dadilja, Janu škola završava z 23-čim prosinca a tak je i z njegvom mamom Irenom. Do sedmoga sečnja je manje-više sve v znaku svetki i obiteljskoga okupljanja. Kak i navek tu buju za Božič Đurina kčerka Irena, sad več z punoletnim Janom, z jednogodišnjom kčerkicom Tiom i suprugom Goranoma. Kaj planiram?
Siguran sam da bu na jelovniku ova tjedan otprilike ovak:
Nekaj od proizvoda od kolina: čurke/krvavice, nekaj z kolinskim zeljem
Riba: na Badnjak bu za obed sigurno riba/bakalar a na večeri smo po tradiciji pri kumovima Husnjak
Obed na Božić: ak malo pogledate moje jelovnike v zadnjih par let na Božić navek su isti. Nebum dal predjelo jer si onda pokvarimo obeda. Ovak bu to izgledalo:
Juha: Juneča juha z Đurinim sitnim rezancima i morti dodamo leberknedle.
Toplo predjelo: malo kuhanoga mesa z hren/kopar sosom
Glavno jelo: Pečena raca, rezanci od palačinki, zelena šalata
Desert: Kardinal šnite i nekakvi drobni kolači. Od piča bu koja čaša vina i za kavopije morti kakva kava ili kapučino.
Ostali dani iza Božiča? Znate več: Štefanje bu poseban dan a ostale dane ostanjki od Božića. Hrana se nesme hitati.
Kaj da vam poželim za božične dane?
Puno zadovoljstva, ugodne obiteljske atmosfere i dobar apetit. Nemojte preterivati v ničemu. Pazite na liniju.
Vaš ivan944
:(Još nema komentara