Oni koji me poznaju z nekih davnih vremena znaju da se nisam dugo znal kartati ništ osim Črnoga Petra i sedmica tere sve. Čist dosta da se malo poigraš z pajdašima i skratiš si vreme. Onda me negda davno na Lošinju kuhar Joso nagovoril da igramo rauba ali za piče. Nikak za nofce. Dobil sam več sigurnih sedamdeset i dva (72) pelinkovca kaj bi mi bilo dost za aperitiv do kraja sezone. Navaljival je da oče revanš, zgubil sam sve i ostal mu dužan dva konjaka. Ste vidli kaj vam je karta. Dok sam se konačno nafčil kolko-tolko igrati belu igralo se v “Slavenu”ili “Pri Jurencu”, uglavnom za kakve čevape i za litru i vodu. I to ni sve platil onaj par koj je zgubil. Ak je recimo rezultat bil 5:3, pobjednici su platili tri a gubitnici pet osmina. To je baš onak pajdaški. Onda se nekak za ove države karta čisto zgubila z naših okupljanja i naših kleti. Morti bi tu i tam odigrali koju partiju pri brači Karlović vu Borovljanima ali ozbiljnih “utakmici” ni bilo. Na našem ovoletnjem okupljanju za Praznik rada neko je predložil:”Dečki! Kaj mislite da organiziramo za jedan vikend belot turnir?” Predlog je prihvačen z velkim oduševljenjem i sledile su pripreme.
Bela-turnir: Draganovec 2023.
Čim su počele pripreme pojavili se i kojekakvi “problemi” ala: “Kak se to igra?”, “Koja je karta najjača v beli?”, “Ko bu z kim igral?”, “Nema nas dost za četri momčadi” i kojekaj drugo. Na največim je mukama bil naš Zagrepčan Joso koj je mam posle odluke o igranju turnira krenul na izradu pravila igranja bele i izradi medalja. Nije to mali posel. Ak slučajno niste čuli za ta “pravila” evo kak vam to zgleda:
BELOT AKADEMIJA, DRAGANOVEC, 20. svibnja 2023.
Pravila: 1. Poštuj protivnika- u ovoj igri nema favorita; 2. Važno je znanje, ali zvanje zna biti presudno; 3. Lepo je igrati, ali slatko je pobjediti; 4. Nemaš sreće u kartama imaš u ljubavi- provjeri nije baš za verovati; 5. Ak partner pogreši-zna, ali nije koncentriran; 6. Kad protivnik pogreši-koncentriran je- ali nezna; 7 Ak nejde ne očajavaj, frugi put njima nebu išlo; 8. Nemoj se zameriti karti-zna se grdo osvetiti; 8. I uvek imaj na pameti-karta je marta.
Ja sam pak bil zadužen, kak i navek, za jelovnik. Morali smo biti praktični jer nemreš se kartati i v isto vreme roštiljati ili nekaj ozbiljno skuhati. Odlučili smo se za ovakav praktičan jelovnik:
Predjelo: Jeger, prezvuršt, dve vrste sira, kosana mast, pogača, dve vrste kruha a Đuro je donesla friško pečene klipiče.
Glavno jelo: Spekel sam dan prije dve našpikane vratine i napravil grah šalatu z koščičnim uljem i češnjakom.
Desert: Davor je kak gost v prolazu donesel makovnjaču a znate da je bilo gemišta kolko je ko mogel i štel popiti.
Moj stari pajdaš Duško je donesel i čevape koje zbog nedostatka vremena nismo stigli ni speči pa su brk omastila drugi dan deca dok su kosila gorice.
E da ja vama morem bar na moment dočarati tu atmosferu imali bi kaj za videti i čuti. Četri momčadi su imale i svoja imena: “Pobjednici”, “Nezavisni”, “HNB” i “Generacija”. Šteta da ni bilo više zainteresiranih kibici koji bi se imali čemu nasmijati.
Bila je pozvana i jedna momčad z Dalmacije, Duškovi i moji dugogodišnji protivnici, al su svoje sudjelovanje odgodili i najavili za jesen.
Uglavnom: Posle dva-tri gemišta retko smo znali ko je na redu za mešati, kaj je v tom momentu adut a redovita je rečenica bila:”Kak si mi to odigral? Da si mi vrnul ono kaj sam ti othitaval oni bi bili štih-mač!” Uostalom pravim kartašima su sve te rečenice odavno poznate. Psihološki rat se vodi celo vreme dok traje turnir.
Sad vas sigurno zanima kak je to završilo? Borba je fakat bila napeta do zadnjega štiha a rasplelo se sve onak kak se najmanje očekivalo. Naime kaj? “Pobjednici” Tonč i Joso, vlasniki pobjedničkoga pokala na Šoderici 1975., nisu obranili naslov. Na opče čuđenje premočno je pobedila “Generacija” i osvojila zlatnu medalju. Ko su i kak zgledaju pobednici morete videt i na ovoj sliki za povijest kartanja v Draganovcu.
*Sl1: “Generacija” navek pobeđuje
Sl 2:Puna koncentracija: ”Nezavisni” kontra “HNB-a”
Kakav je bil redosled ostalih ekipa nebum vam rekel iz čistoga ferpleja. Srebrne i brončane medalje su takaj podeljene ali bilo je i posebnih nagrada. Član “Pobjedniki” Tonč je predvidel nagradu v obliku dve flaše njegovoga “vrhunskoga portugisca”. To sam moral posebno spomenuti jer bi me inače ogovaral pred “Pivničarima” a onda bi me bilo po celoj Koprivnici.
Sad pak čujte priča za onaj završni, netakmičarski dio turnira. Kak je pajdaš Joso moral iti na vlak, neki su imali druge obaveze, “Generacija” je izazvala na megdan dobrovoljce. Našli su se tu Duško, i kak za vraga moja Đuro. Mesto da joj zahvalim na klipičima i pošlem ju doma, ona se primila kartati. Kak je ta partija bele završila nebum priznal, al mislim da Đuro nebu tak skoro dočekala novu priliku igrati z muškardinima. Srečom kaj nismo igrali za peneze.
I kaj da vam velim. Svi su bili zadovoljni, svima se jako zdopalo i več je pal predlog da napravimo jedan letnji ili pak jesenski turnir. Ovo smo svatili samo kak jedne dobre visinske, taktičke i kondicijske pripreme. Jedino tak morete računati na dobar rezultat.
Pondelek
Juha/Glavno jelo: Čoravi gulaš; ja navek dodam kakav falačec špeka i kožice
Desert: Vočna šalata
Tork
Juha:Krumpirova juha
Glavno jelo: Bogata kajgana ze šunkom, šalata od friškoga zelja
Desert: Sok od koprive; vele da je zdrav a imamo ga od prošloga leta
Sreda
Juha: Prežgana juha z jajcima i krutonima
Glavno jelo: Raštika ala špinat, krmenadli na naglo, jajca na oko
Desert: Kompot od jabuki
Četrtek
Juha/Glavno jelo: Pileči rižoto, šalata; najte štedeti na parmezanu
Desert: Puding od vanilije
Petek
Juha/: Riblja juha ala fiš
Glavno jelo Šaran na podravski, krumpir šalata z koščičnim uljem
Desert: Mislim da i sami znate kaj tu paše?
Subota
Ak vreme dozvoli mislim da bumo v prirodi
Predjelo: Sirni namaz, domača pašteta na tostanom kruhu, paradajz, mladi luk
Glavno jelo: Peka je dobro rešenje: Svinjska rebra, pol piceka, krumpir i povrče
Desert: A kaj drugo nego gemišt a morti i nekakav kolač
Nedela
Juha: Juha od junečih kostiju z leberknedlima i rezancima
Glavno jelo: Junetina ala vild, semerknedli, šalata
Desert: Kolač z jagodama, kapučino
:(Još nema komentara