Baš dok pišem ovaj tekst je Dan žena pa nekak imam potrebu nekaj reči o tome. O povijesti toga dana se fakat puno zna ali mi se nekak čini da to više ni “kak je negda bilo”. Morti je to zato kaj nisam više v radnom odnosu pa ne vidim kaj se događa na taj da vu velikim firmama ili je značaj toga datuma malo splasnul i dal mesta recimo Valentinovu. No z tim se nebum preveč opterečival. Kak bilo da bilo mislim da ženama treba pokloniti jako puno pažnje svaki dan a ne samo prigodice. Kak stanujem prek puta Podravke imal sam danas prilike videti da naš gradonačelnik več tradicionalno deli crvene klinčeke Podravkašicama. Lepo i pohvalno. Bum vam rekel na kojem su mestu žene pri meni.
Navek prednost damama
Z letima sam skupil fanj kazeta i CD-a z kojekakvom glazbom jer mi to čini baš pravo zadovoljstvo. Moja privatna diskoteka navek mi dobro dojde v trenutkima ako mi se ne dopada glazba na radiju. Dok sedim za PC-om posebno mi paše instrumentalna glazba no onak baš za dušu si denem neki CD z poznatim svetskim ili domačim pjevačicama. Samo da vam nabrojim neke legendarne:Ella Fitzerald, Natali Cole, Diana Krall, Catarina Valente i druge z tih stareših generacija. A domače? Ni tu ne odstupam od starije garde koje mi i danas izazovu emociju i još su navek na top 10 moje rangliste. Tu su dive kak je Gabi Novak, Radojka Šverko, Doris Dragović, Tereza ili pak neponovljiva Amira Medunjanin. Milina ih je slušati.
Al da se malo osvrnem na ono kaj je nekak v tonu moje kolumne. Kaj je sa ženama v kuhinji? Tu mislim da je ženama napravljena mala nepravda. Od kak je sveta i veka priču o kuhanju počinjemo z onim “kak su kuhale maše bake/mame”. Sigurno niste nigda, ili jako retko, čuli “kak su kuhali naši dedovi/tate.” Čuli ste ono “kak su jeli naši stari” kaj govori samo o gurmanluku a ne i o kuhanju. Z duge pak strane probajte malo razmisliti ko su to poznati “chefovi”? V devedeset posto slučajeva to su muškardini i v stvarnosti i po medijima. No navek se pitam ko je te “chefove” vučil kuhati? Pred nekaj vremena sam čul jednu izjavu Tomice Špičeka da se on doma niti ne prima kuhače nego to prepušta svojoj ženi. Zna čovek ko je doma bolši kuhar. O tome ko je kuhal negda v mojoj familiji od navek se znalo. Moj stari nije dogural niti do kuhanja čaja a mleko bi mu sigurno skipelo. Kakva je stvar več letima v mojoj familiji to več znate odavno: stroga je podjela dužnosti. Ja kuham slana jela a Đuro priprema slatko. Tu vlada prava ravnopravnost.
Novosti v našem gradu
Ovih sam dana prečital veliku novost v gastro ponudi našega grada: Koprivnica je dobila i vino od koprive. Bravo mi. Več pred dost let smo napravili od koprive pivu, gin, rakiju, čololadu i praline a sad imamo i dopunu v ponudi piča. Ko voli nek izvoli. Konačno mi smo Koprivnica i red je da nudimo baš tak nekaj. Moram priznati da sam jako znatiželjan i jedva čekam dok bum imal priliku probati to vino. Vele stručnjaki da se to vino lepo slaže z hladnim predjelima, šalatama, šparogama i sličnim delicijama. Nadam se da bumo uskoro mogli to probati i v našim koprivničkim restoranima. Da se delaju kojekakve fine papice od koprivi to ni nikakva tajna. Dok najdem mlade koprive v goricama znam i ja napraviti juhu ili sos od koprivi. Naravno da jako pazim da su te koprive jako ćiste i daleko od bilo kakvoga zagađenje. Fakat su jako ukusne a za koj dan im bu baš došlo vreme. Samo da još malo zatopli.
I prije nego sam prečital novost o vinu od koprivi našel sam na svojoj “gastropolici” dve knjge na koje sam več odavno zaboravil: “Neuništiva blagodat koprive” i “Tajne koprivine kuhinje”. Kaj je najvažnije autorice tih knjiga su žene. O tome vam bum nekaj napisal drugom prilikom.
Vinari v akciji
Ima tome nekaj više od tjedan dana kad vidim da su naši vredni vinogradari z Udruge “Fran Galović” Starigrad imali svoju skupštinu. To mi je drago čuti i videti. Lepo vidim da se okupil popriličan broj naših vinogradara, vidim da ih je došel pozdraviti i naš gradonačelnik Mišel al me je nekaj zbunilo. Prečitam da je izvještaj i program rada podnesel stari Podravkaš Velimir Briški Brile a njemu ni traga ni v radnom predsedništvu ali ni v publiki. To ni prava i valjana skupština ak nema predsednika ni njegove slike. Posle sam doznal da je na taj dan bil sprečen. Srečom kaj imam pri ruki jednu frišku sliku z njim v ambijentu mojih gorici. Brile je baš naišel v moju klet dok sam z jednom mlađom ekipom delal mesariju. Nadam se da nebu srdil kaj sam ga del v ovaj tekst.
Brile v poseti trudnim mesarima
Da iskoristim priliku bum spomenul i reč dve o vinskim cestama v našem kraju. Znam da se o tome več dugo pripoveda al je do sad sve to ipak samo na lepim pričama i nekak još daleko od pravoga rezultata. Ak mene pitate to bi svakak trebalo napraviti jer uvjeta i razloga za tak nekaj sigurno imamo. Z dobrom kapljicom svakak bi jako do izražaja došla i naša tradicionalna podravska kuhinja koja je sigurno ravna bilokojoj regionalnoj kuhinji v Lepoj Našoj. I dok povežete sva ta naša sve kvalitetneša vina i naše delicije z koprivama, imali bumo ponudu kakvu samo poželeti morete.
Pondelek
Juha/Glavno jelo: Povrtno-pileči ragu
Desert: Najdite nekakvu napolitanku i poterajte z vodom
Tork
Predjelo: Klipiči i moja pileča pašteta
Glavno jelo: Sekeli gulaš; ovo je posebna naruđba za pajdaša Davora i njegovu Pusi koji su ovih dana došli z Tanzanije.
Desert: Štrukli z jabukama
Sreda
Imam malu dilemu
Glavno jelo: Sarma ze škrinje ili špek fileki?
Desert: Tu paše i gemišti i pivica
Četrtek
Juha: Kobasičja juha
Glavno jelo: Pečene friške kobasice, dinstano zelje
Desert: Gemišt
Petek
Juha/Glavno jelo: Ričet; najte štedeti na kožicama a malo suhoga mesa nebu škodilo; ovih sam dana ima za čuti da je jedna meni poznata žena napravila „nezaboravni ričet z povrčem ali bez kožica“. Ak mene pitate to nije ričet nego se to jelo mora nazvati nekak drukče.
Desert: Morti čaša crne pive?
Subota
Juha: Bela juha
Glavno jelo: Kraljevski rezanci
Desert: Sok
Nedela
Juha: Goveđa juha z leberknedlima i sitnim rezancima
Glavno jelo: Juneče rolice v saftu od povrča, luleki od kolko-tolko testa
Desert: Lisnato z makom/orehima
:(Još nema komentara