V tjednu kaj je pred nama svi smo nekak v jednom posebnom raspoloženju makar nam neke stvari v našem okruženju nisu baš onak kak bi šteli. Bumo se malo odmaknuli od svakodnevnih sumornih priča i okrenuli se svojim nabližima vu familiji i svim dragim prijatelima i poznanicima koji z nama znaju podeliti radost ovih svetešnih dana. Dok ovo pišem znamo da naši dečki nebuju igrali za svetsku krunu al i ovo kaj su postigli je velka stvar. Nek im bu sa srečom.V budučnost bu još puno prilika da pokažu kaj znaju i moreju.
Božični dani
Tjedan pred velike blagdane kak su Vuzem i Božić nekak je uobičajeno da se delaju najprije malo skromneši jelovniki a onda posni kak su Velki petek ili Badnjak. Onda se pak na sam blagdan malo pretera z kojekakvim delicijama i mrsnim i slatkim. Verojatno je tak i pri vama pa vam nebum pokvaril planove al bum zapisal kaj se bu događalo pri nama doma.
Prvo sam pogledal v škrinju da vidim kaj se mora potrošiti kak nebi dočekal z tim novo leto. Pogledajte kaj sam našel:
Dva tri pakiranja gotove juhe. To trebam samo zagrijati i zakuhati nekakvu testeninu.
Našel sam nekolko blanširanih paketiča: raštike, kelja i tikve. Morem napraviti od toga nekakav čušpajz, krem juhu ili recimo raštiku ala špinat.
Našel sam i dva paketiča pilečeg sitniša. Napravil bum pileče-povrtni ragu ili čak lagani paprikaš.
Z tim več morem rešiti prva tri-četri dana a onda ono kaj se „mora svakak pripremiti“.
Sve se nekak poklopilo prek vikenda pa bu jelovnik samo malo prilagođen svetkima.
Petek je obično jelovnik od ribe i graha, al kak je ovo leto Badnjak v subotu, „riblji dan“ bu v subotu. V petek bum nekaj složil na brzinu.
Subota/Badnjak
Predjelo: Riblja pašteta na tostu z putrom.
Juha: Riblja juha od šarana ala fiš. (Dobil sam friško vlovljenoga dravskoga malo večega šarana koj bu baš dobro došel za posni dan).
Glavno jelo: Šaran na podravski način, grah/krumpir šalata z crnim uljem.
Desert: Naravno da z tim paše čaša moje graševine z Draganovca.
Nedela
Za fruštuk imam dve varijante: Lagano podimljene kuhane kobase i friško ribani hren ili/i hladnetina. Moj se mesar Tomek pobrinul na vreme da dobim za hladnetinu nekolko lepih nogici i nekolko kožici. Ja obavezno dodam malo pilečih želučeki. Neki moji članovi familije jedu samo čistu želatinu bez mesa kaj pri meni baš ne prolazi. Malo se razijdemo i oko začina. Đuro ju jede z limunom ili vinskim octom a ja z koščičim ulje. Hladnetinu bum naravno skuhal dan-dva prije jer moram dobar dio i podeliti deci i vnukima..
Božični obed bu ovak:
Aperitiv: Nekakva rakijica
Juha: Goveđa uha od bočinga z leberknedlima i rezancima
Toplo predjelo: Kuhani bočing, hren sos, povrče z juhe
Glavno jelo: Pečena raca/guska, široki rezanci od palačinki, zelena šalata. Tu naravno pašu mlinci al kak Đuro nesme jesti testeninu z glutenom, ovakvi „rezanci“ su pri nama več normalna stvar.
Desert: Kardinal šnite kakti standard, drobni kolači, čaša vina i kava/kapučino.
Kak morete videti količine su pristojne pa se nadam da si bumo zeli dost vremena i blagovali polako kak to priliči na taj dan.. Konačno v pondelek je Štefanje, nebumo kuhali jer več imamo poziv na jedan tradicionalni obed pri mojoj najbližoj familiji. O tome nekaj drugi tjedan.
Dio drobnih kolači koji moreju dugo stajati
Kratka priča o jednom prijateljstvu
Svojedobno sam pisal o jednom poslovnom partnerstvu koje se pretvorilo v iskreno prijateljstvo. Pred odprilike dvajst let sam bi v Njemačkoj na jednom treningu, upoznal jednog divnog čoveka imenom Dieter, koj mi je bil mentor. I nebute verovali. Nakon četvrtog treninga mi smo več bili pajdaši. Jako smo se razmeli. Pozval sam njega i njegvu gospođu Reginu v Koprivnicu, pa na ljetovanje na Brač, zaljubil se je v Hrvatsku i od onda smo velki prijateli onak na daljinu. Dopisujemo se, razmenjujemo kojekave informacije o našim familijama, o tome kaj delamo i z čim se bavimo v slobodno vreme. Dieter je jedna divna, jako pažljiva osoba i nigda ne propusti poslati prigodnu priču za neke svetke. Nemrem vam prenesti te poduže priče al evo kak je zgledala jedna krača blagdanska čestita. Pojašnjenja radi: Seka je Đuro. Pravo joj je ime Marija, svi je zovu Seka a ja Đuro.
Dragi naši Ivane i Seka,
ovo su naše božićne i novogodišnje želje za vas.
Neka vam bude poklonjen blagoslov ove svete noći
Da se ne spotaknete na kamenim stazama
Da se ne izgubite na sumornim putevima
Neka blagoslov traje cijelu godinu
i vodi vas nepogrešivo do čuda koja rastu i cvatu u vama.
To vam od srca žele, dragi Ivane i Seka,
Vaši
Dieter H. Sommer i Regina Sommer
Familije Sommer i Ferenčak za vreme jednoga deserta v MIlmi
Malo sam zabrinut jer mi se Dieter nije javil zadnje dve lete zbog ove ružne situacije ali se nadam da je sve v redu z tom dragom familijom. Ovih dana bumo sigurno pak razmenili čestitke i dobre želje.
Božične popevke
Od pamtiveka su se popevale lepe božične popevke. Širom sveta su nebrojeni pjevači, pjevačice i orkestri snimili i objavili bezbrojne inačice najpoznatijih božičnih popevki. Siguran sam da ste i vi kak deca popevali onu „Narodil nam se kralj nebeski“, „Radujte se narodi“ „Svim na zemlji“ i puno drugih. Meni su navek božične popevke bile drage, popevaju se v narodu jer je od navek čin rođenja bil velki i radostan doživljaj. Imam naravno naše popevke koje popevaju naši estradnjaci ali, dok sam pregledal po svojim policama, našel sam nekolko CD-a baš z božičnim popevkama v interpretaciji najpoznateših svetskih izvođača. To su verzije koje su poznate širom sveta, popevaju ih velika imena svetske estrade a posebno su mi drage jer su napravljene v stilu evergrinske glazbe v sjajnim aranžmanima. Evo samo nekih:
Dame pjevaju božične popevke. Tu sam našel imena kak su Ella Fitzgerald, Natalie Cole, Norah Jones, Diana Krall, Dinah Washington i još desetak drugih vrhunskih pjevačica z dvadeset i dve božične popevke. Tu ima svega od „Zvončiča“ (Jingle Bells) do one svetski poznate „Tiha noč, sveta noč“ (Silent Night, Stille Nacht) za koju neki tvrdiju da je najlepša i najviše izvođena božična popevka na svetu. Da mi bu pravi ugođaj, dok ovo pišem slušam baš te prelepe popevke.
Kad je več reč o toj popevki imam pod naslovom „Sveta noč“ celi CD Luciana Pavarottia. Skombiniral je trinajst božičnih popevki v kojima fakat morete uživati barem vuru vremena.
Onda mi se pak pri ruki našel jedan drugi CD gde mi je teško zebrati kaj i koga slušati. Tu se našla elita nad elitama svetske popevke. Posebno me veseli kaj su tu ljudi z svetske estradne scene kak su Nat King Cole, Ella Fitzgerald, Frank Sinatra, Rosemary Clooney, pa onda Dean Martin i Mario Lanza. Na naslovnici je veliki pjevač i glumac Bing Crosby z lulom v ruki a v pozadini je lepo okičeni bor i kojekakvi darovi.
Verujem da bi se i vama sve te popevke jako dopale. Probajte se malo pozabaviti z internetom i bute se ugodno iznenadili kolko ima i naših i stranih velikih zvezdi koje su odlučile svojim izvođenjem božičnih popevki doprinesti ugođaju ovih blagdanskih dana.
Nekak mi se čini da je za naše mentalno zdravlje puno bolje slušati ovakvu glazbu i posvetiti se svojim dragim ukučanima i prijateljima nego se opterečivati z ovim ružnim vestima z kojima nas bombardiraju mediji. To bu nas tak i tak dočekalo posle svetki.
Odmorite se dragi moji i uživajte v ovim božićnim danima.
I kaj da vam velim za kraj:
:(Još nema komentara